Sot në Korçë u hap ekspozita fotografike “Pusteci, Natyra, Trashëgimia, Jeta”, një udhëtim vizual mes Prespës dhe komunitetit maqedonas të Pustecit, përmes objektivit të artistit Roland Beqiraj.
Portrete autentike, peizazhe mbresëlënëse dhe detaje nga tradita e kultura që pasqyrojnë shpirtin dhe identitetin e këtij komuniteti ishin ekspozuar nëpërmjet fotove.
Ekspozita u realizua nga Qendra KAZUS në kuadër të projektit “Minoriteti maqedonas në Pustec, trashëgimi brez pas brezi”, me mbështetjen e Agjencisë për Mbështetjen e Shoqërisë Civile.