Seminari i 29-të i Grupit të Punës për Minoritetet Sllave në Europë vazhdon në Tiranë, i organizuar nga FUEN dhe Shoqata Maqedonase “Ilinden”-Tiranë.
Përfaqësues të minoriteteve sllave nga 20 organizata me 40 përfaqësues nga 11 vende: Shqipëria, Gjermania, Austria, Sllovenia, Kroacia, Estonia, Ukraina, Hungaria, Serbia, Italia, Sllovakia.
Sot seminari vazhdoi me një vizitë në Parlamentin e Republikës së Shqipërisë, u zhvillua një diskutim në panel: “Ballkani Perëndimor dhe minoritetet e tij kombëtare në rrugën drejt BE-së” me Moderator: Dr. Hartmunt Leipner, Kryetar i Grupit të Punës për Minoritetet Sllave (AGSM) dhe Zëvëndëskryetar i Unionit Federal të Kombësive Evropiane (FUEN). Në diskutimin në panel morën pjesë Atanas Ploça, nënkryetar i Bashkisë së Pustecit, Endrit Fetahu, nënkryetar i Aleancës së Maqedonasve për Integrim Europian, Dejan Çulafiq, lektor në Universitetin “Luigj Gurakuci” në Shkodër, Entela Bignaku, drejtoreshë e Fondacionit “Harriet Martino”, anëtare e pakicës kombëtare vllahe në Shqipëri.
Njëkohësisht, u diskutua puna e Grupit të Punës për Pakicat Sllave (AGSM). Në fund, u mbajt darka gala për të festuar 30 vjetorin e Grupit të Punës për Pakicat Sllave (AGSM) dhe performoi edhe grupi muzikor maqedonas “Bajrami” nga fshati Oreshek, zona e Gorës.