Me iniciativën dhe angazhimin e Kryetarit të Shoqatës maqedonase “Ilinden”-Tiranë, Nikolla Gjurgjaj, është lançuar platforma minorite.al, e cila synon të jetë një zë i përbashkët, një hapësirë ku pasqyrohet jeta, kultura, identiteti dhe të drejtat e Minoriteteve Kombëtare në Republikën e Shqipërisë
Jam veçanërisht i kënaqur të prezantoj iniciativën time personale minoritete.al, media e parë kombëtare online në Republikën e Shqipërisë, e dedikuar ekskluzivisht për pakicat kombëtare. Kjo platformë synon të jetë zëri juaj i përbashkët, një hapësirë ku pasqyrohet jeta, kultura, identiteti dhe të drejtat e Minoriteteve Kombëtare në Republikën e Shqipërisë – njoftoi Gjurgjaj.
Ai shtoi se kjo është një thirrje për të gjitha pakicat kombëtare në Republikën e Shqipërisë që të vijnë dhe të ndajnë historitë, traditat, sfidat dhe arritjet e tyre, për ta bërë së bashku diversitetin e tyre të dukshëm, të dëgjuar dhe të respektuar.