Minoritete AL
AKTUALITET

Kryetari i Shoqatës Maqedonase “Ilinden”-Tiranë, Nikolla Gjurgjaj u takua me Agon Feratin, Ministër i Marrëdhënieve ndërmjet Bashkësive në Republikën e Maqedonisë

Në kuadër të “Dialogut Schleswig-Holstein mbi Forcimin e Kohezionit Social dhe Mbrojtjen e të Drejtave të Pakicave në Ballkanin Perëndimor”, në Qendrën Akademike Sankelmark, në Oversee, Schleswig-Holstein, Gjermani, Kryetari i Shoqatës Maqedonase “Ilinden”-Tiranë, Nikolla Gjurgjaj, u takua me Agon Feratin, Ministër i Marrëdhënieve ndërmjet Bashkësive në Republikën e Maqedonisë.

Në takim u shkëmbyen mendime mbi mundësitë për promovimin dhe thellimin e bashkëpunimit të ndërsjellë, me theks të veçantë në ruajtjen e identitetit kombëtar, respektimin e diversitetit dhe forcimin e mirëkuptimit të ndërsjellë. Ministrit Ferati iu dhurua një kopje e gazetës maqedonase “Ilinden”.

Foto: Gazeta maqedonase “Ilinden”

Rëndësia e dialogut të hapur, respektit të ndërsjellë dhe bashkëpunimit të vazhdueshëm u theksua si parakushte të rëndësishme për ndërtimin e një shoqërie të bazuar në parimet e barazisë, tolerancës dhe respektimit të të drejtave të të gjitha komuniteteve.

Takimi përfaqëson një mundësi për të thelluar komunikimin dhe bashkëpunimin në drejtim të promovimit të të drejtave të pakicave dhe ruajtjes së identitetit kombëtar dhe kulturor.

Ndoshta je i interesuar të lexosh

Shoqata Maqedonase “Ilinden”-Tiranë do të marrë pjesë në Kongresin e Unionit Federal të Kombësive Europiane (FUEN) që do të mbahet në Helsinki të Finlandës

nikola

Filloi në Tiranë seminari i 29-të i Grupit të Punës së Minoriteteve Sllave në Europë, i organizuar nga FUEN në bashkëpunim me Shoqatën Maqedonase “Ilinden”-Tiranë

nikola

Ervin Nikolla: Sfidat e Mësimit të Gjuhës Amtare Maqedonase në Shqipëri (1944–2024)

nikola